ອິນເດຍ ກໍ່ສ້າງທໍ່ສົ່ງນ້ຳມັນ-ແກັສ ໃຕ້ນ້ຳທະເລ ໃຫຍ່ທີ່ສຸດໃນໂລກ
ທ່ານ ອາລີເຣຊາ ຄາເມລີ ຜູ້ອຳນວຍການບໍລິສັດຜູ້ຂາເຂົ້າ-ຂາອອກແກັສຂອງອີຣານ (NIGEC) ແຈ້ງໃຫ້ຮູ້ເມື່ອບໍ່ດົນມານີ້ວ່າ ສາມາດທີ່ຈະສົ່ງອອກແກັສໄປຍັງອິນເດຍ ຜ່ານທໍ່ສົ່ງລອດພື້ນນ້ຳທະເລ ຊຶ່ງອິນເດຍ ແລະ ບາງປະເທດເອີຣົບເປັນຜູ້ກໍ່ສ້າງ ແລະ ຕິດຕັ້ງ.
ທ່ານ ຄາເມລີ ເວົ້າວ່າ ບັນດາຄູ່ຮ່ວມມືຂອງອິນເດຍ ແຈ້ງໃຫ້ຮູ້ວ່າ ການຄົ້ນຄວ້າຄວາມເປັນໄປໄດ້ກ່ຽວກັບທໍ່ສົ່ງແກັສດັ່ງກ່າວໄດ້ສຳເລັດໂດຍພື້ນຖານແລ້ວ ຈາກການຮ່ວມມືລະຫວ່າງ ອິນເດຍ ກັບບາງປະເທດໃນເອີຣົບ.
ເມື່ອກ່ອນໜ້ານີ້ 10 ປີ ອີຣານໄດ້ມີແຜນການລົງທຶນເຂົ້າໃນການກໍ່ສ້າງທໍ່ສົ່ງນ້ຳມັນ-ແກັສຜ່ານປາກິດສະຖານ ເຂົ້າໄປຍັງອິນເດຍ ໂດຍຕັ້ງຊື່ວ່າ “ທໍ່ສົ່ງສັນຕິພາບ” ແຕ່ຍ້ອນບັນຫາທາງດ້ານການເມືອງ ແລະ ຄວາມຂັດແຍ່ງລະຫວ່າງ ອິນເດຍ ກັບ ປາກິດສະຖານ ຈຶ່ງເຮັດໃຫ້ໂຄງການນັ້ນປະຕິບັດບໍ່ໄດ້.
ເພື່ອຫຼຸດຜ່ອນການຂຶ້ນກັບແຫຼ່ງສະໜອງແກັສທຳມະຊາດຂອງປະເທດເພື່ອນບ້ານປາກິດສະຖານນັ້ນ ເມື່ອບໍ່ດົນມານີ້ອິນເດຍ ຈຶ່ງໄດ້ມີແຜນການກໍ່ສ້າງ ແລະ ຕິດຕັ້ງທໍ່ສົ່ງນ້ຳມັນ-ແກັສລອດໃຕ້ນ້ຳທະເລເພື່ອນຳເຂົ້ານ້ຳມັນ-ແກັສຈາກອີຣານ ຖ້າຫາກວ່າໂຄງການນີ້ໄດ້ຮັບການຜັນຂະຫຍາຍແລ້ວ ມັນກໍ່ຈະເປັນທໍ່ສົ່ງນ້ຳມັນ-ແກັສໃຕ້ນ້ຳທະເລທີ່ໃຫຍ່ທີ່ສຸດໃນໂລກ.
ທ່ານ ຄາເມລີ ກໍ່ໃຫ້ຮູ້ວ່າ ກຸ່ມບໍລິສັດໜຶ່ງຂອງອິນເດຍ ໄດ້ໃຫ້ສັນຍາຊ່ວຍເຫຼືອດ້ານການເງິນໃຫ້ແກ່ໂຄງການອັນໃຫຍ່ໂຕນີ້ ຕາມການອອກແບບແລ້ວທໍ່ສົ່ງນ້ຳມັນ-ແກັສດັ່ງກ່າວ ມີຄວາມຍາວປະມານ 1.400 ກມ ແລະ ຖືກຕິດຕັ້ງໄວ້ໃຕ້ທະເລ ຊຶ່ງມີບາງບ່ອນມີຄວາມເລິກເຖິງ 3.500 ແມັດ ທໍ່ສົ່ງນ້ຳມັນ-ແກັສສາຍນີ້ມີມູນຄ່າກວ່າ 4,5 ຕື້ໂດລາສະຫະລັດ ຈະໄດ້ດູດເອົານ້ຳມັນດິບ ແລະ ແກັສທຳມະຊາດຈາກພາກໃຕ້ອີຣານ ຜ່ານທະເລໂອມານ ແລະ ມະຫາສະໝຸດອິນເດຍ ໄປຍັງລັດກຸຈະຣາດ ໃນພາກຕາເວັນຕົກຂອງອິນເດຍ ກຳລັງການຜະລິດຕາມການອອກແບບໃນໄລຍະທີ 1 ນັ້ນ ທໍ່ສົ່ງນ້ຳມັນ-ແກັສດັ່ງກ່າວ ຈະສົ່ງແກັສໄດ້ປະມານ 32 ລ້ານແມັດກ້ອນ/ວັນ.
ຄາດວ່າການກໍ່ສ້າງ ແລະ ຕິດຕັ້ງທໍ່ສົ່ງນ້ຳມັນ-ແກັສອັນໃຫຍ່ໂຕດັ່ງກ່າວ ຈະໃຊ້ເວລາ 2 ປີ ຫຼັງຈາກທີ່ໄດ້ຮັບການໃຫ້ສັດຕະຍາບັນຈາກທັງສອງຝ່າຍ ແລະ ຂໍ້ຕົກລົງການຊື້-ຂາຍແກັສໄດ້ຮັບການລົງນາມລະຫວ່າງ ອິນເດຍ ກັບ ອີຣານ ປັດຈຸບັນນີ້ ອີຣານກໍ່ພວມດຳເນີນການເຈລະຈາກັບບໍລິສັດຮ່ວມທຸລະກິດແກັສອາຊີໃຕ້ (SAGE) ຊຶ່ງມີສຳນັກງານຕັ້ງຢູ່ນະຄອນຫຼວງນີວແດນລີ (ອິນເດຍ) ເພື່ອຮ່ວມມືໃນການກໍ່ສ້າງໂຄງການທໍ່ສົ່ງນ້ຳມັນ-ແກັສອັນໃຫຍ່ໂຕນັ້ນດ້ວຍ.
ທ່ານ ຄາເມລີ ເວົ້າວ່າ ບັນດາຄູ່ຮ່ວມມືຂອງອິນເດຍ ແຈ້ງໃຫ້ຮູ້ວ່າ ການຄົ້ນຄວ້າຄວາມເປັນໄປໄດ້ກ່ຽວກັບທໍ່ສົ່ງແກັສດັ່ງກ່າວໄດ້ສຳເລັດໂດຍພື້ນຖານແລ້ວ ຈາກການຮ່ວມມືລະຫວ່າງ ອິນເດຍ ກັບບາງປະເທດໃນເອີຣົບ.
ເມື່ອກ່ອນໜ້ານີ້ 10 ປີ ອີຣານໄດ້ມີແຜນການລົງທຶນເຂົ້າໃນການກໍ່ສ້າງທໍ່ສົ່ງນ້ຳມັນ-ແກັສຜ່ານປາກິດສະຖານ ເຂົ້າໄປຍັງອິນເດຍ ໂດຍຕັ້ງຊື່ວ່າ “ທໍ່ສົ່ງສັນຕິພາບ” ແຕ່ຍ້ອນບັນຫາທາງດ້ານການເມືອງ ແລະ ຄວາມຂັດແຍ່ງລະຫວ່າງ ອິນເດຍ ກັບ ປາກິດສະຖານ ຈຶ່ງເຮັດໃຫ້ໂຄງການນັ້ນປະຕິບັດບໍ່ໄດ້.
ເພື່ອຫຼຸດຜ່ອນການຂຶ້ນກັບແຫຼ່ງສະໜອງແກັສທຳມະຊາດຂອງປະເທດເພື່ອນບ້ານປາກິດສະຖານນັ້ນ ເມື່ອບໍ່ດົນມານີ້ອິນເດຍ ຈຶ່ງໄດ້ມີແຜນການກໍ່ສ້າງ ແລະ ຕິດຕັ້ງທໍ່ສົ່ງນ້ຳມັນ-ແກັສລອດໃຕ້ນ້ຳທະເລເພື່ອນຳເຂົ້ານ້ຳມັນ-ແກັສຈາກອີຣານ ຖ້າຫາກວ່າໂຄງການນີ້ໄດ້ຮັບການຜັນຂະຫຍາຍແລ້ວ ມັນກໍ່ຈະເປັນທໍ່ສົ່ງນ້ຳມັນ-ແກັສໃຕ້ນ້ຳທະເລທີ່ໃຫຍ່ທີ່ສຸດໃນໂລກ.
ທ່ານ ຄາເມລີ ກໍ່ໃຫ້ຮູ້ວ່າ ກຸ່ມບໍລິສັດໜຶ່ງຂອງອິນເດຍ ໄດ້ໃຫ້ສັນຍາຊ່ວຍເຫຼືອດ້ານການເງິນໃຫ້ແກ່ໂຄງການອັນໃຫຍ່ໂຕນີ້ ຕາມການອອກແບບແລ້ວທໍ່ສົ່ງນ້ຳມັນ-ແກັສດັ່ງກ່າວ ມີຄວາມຍາວປະມານ 1.400 ກມ ແລະ ຖືກຕິດຕັ້ງໄວ້ໃຕ້ທະເລ ຊຶ່ງມີບາງບ່ອນມີຄວາມເລິກເຖິງ 3.500 ແມັດ ທໍ່ສົ່ງນ້ຳມັນ-ແກັສສາຍນີ້ມີມູນຄ່າກວ່າ 4,5 ຕື້ໂດລາສະຫະລັດ ຈະໄດ້ດູດເອົານ້ຳມັນດິບ ແລະ ແກັສທຳມະຊາດຈາກພາກໃຕ້ອີຣານ ຜ່ານທະເລໂອມານ ແລະ ມະຫາສະໝຸດອິນເດຍ ໄປຍັງລັດກຸຈະຣາດ ໃນພາກຕາເວັນຕົກຂອງອິນເດຍ ກຳລັງການຜະລິດຕາມການອອກແບບໃນໄລຍະທີ 1 ນັ້ນ ທໍ່ສົ່ງນ້ຳມັນ-ແກັສດັ່ງກ່າວ ຈະສົ່ງແກັສໄດ້ປະມານ 32 ລ້ານແມັດກ້ອນ/ວັນ.
ຄາດວ່າການກໍ່ສ້າງ ແລະ ຕິດຕັ້ງທໍ່ສົ່ງນ້ຳມັນ-ແກັສອັນໃຫຍ່ໂຕດັ່ງກ່າວ ຈະໃຊ້ເວລາ 2 ປີ ຫຼັງຈາກທີ່ໄດ້ຮັບການໃຫ້ສັດຕະຍາບັນຈາກທັງສອງຝ່າຍ ແລະ ຂໍ້ຕົກລົງການຊື້-ຂາຍແກັສໄດ້ຮັບການລົງນາມລະຫວ່າງ ອິນເດຍ ກັບ ອີຣານ ປັດຈຸບັນນີ້ ອີຣານກໍ່ພວມດຳເນີນການເຈລະຈາກັບບໍລິສັດຮ່ວມທຸລະກິດແກັສອາຊີໃຕ້ (SAGE) ຊຶ່ງມີສຳນັກງານຕັ້ງຢູ່ນະຄອນຫຼວງນີວແດນລີ (ອິນເດຍ) ເພື່ອຮ່ວມມືໃນການກໍ່ສ້າງໂຄງການທໍ່ສົ່ງນ້ຳມັນ-ແກັສອັນໃຫຍ່ໂຕນັ້ນດ້ວຍ.