ເລຂາທິການໃຫຍ່ ສປຊ ຈະເຂົ້າຮ່ວມການເຈລະຈາສັນຕິພາບຢູ່ມຽນມາ
AFP ລາຍງານວ່າ ເຈົ້າໜ້າທີ່ມຽນມາ ແລະ ຕົວແທນຂອງກຸ່ມປະກອບອາວຸດໃນມຽນມາ ແຈ້ງໃຫ້ຮູ້ເມື່ອວັນທີ 22 ສິງຫານີ້ວ່າ ທ່ານ ບັນ ກີມູນ ເລຂາທິການໃຫຍ່ ອົງການສະຫະປະຊາຊາດ (ສປຊ) ຈະເຂົ້າຮ່ວມກອງປະຊຸມສັນຕິພາບຄັ້ງປະຫວັດສາດໃນມຽນມາ ທີ່ຈະຈັດຂຶ້ນພາຍໃນເດືອນສິງຫານີ້ (ຄາດວ່າຈະມີຂຶ້ນໃນວັນທີ 31 ສິງຫາ) ຊຶ່ງເປັນຄວາມພະຍາຍາມຂອງນາງ ອອງຊານ ຊູຈີ ທີ່ປຶກສາແຫ່ງລັດມຽນມາ ເພື່ອແນໃສ່ຢຸດຕິການຕໍ່ສູ້ກັນຢູ່ພາຍໃນປະເທດ ທີ່ໄດ້ແກ່ຍາວມາເປັນເວລາຫຼາຍທົດສະວັດ.
ທ່ານ ZawHtay ຮອງຫົວໜ້າຫ້ອງວ່າການປະທານາທິບໍດີມຽນມາ ຢືນຢັນວ່າ ຝ່າຍມຽນມາ ເປັນຜູ້ເຊີນເລຂາທິການໃຫຍ່ ສປຊ ເຂົ້າຮ່ວມການປະຊຸມດັ່ງກ່າວ ເນື່ອງຈາກວ່າ ທ່ານ ບັນ ກີມູນ ກໍ່ຢາກເຂົ້າຮ່ວມກອງປະຊຸມນີ້ເຊັ່ນກັນ ໃນຂະນະດຽວກັນ ທ່ານ Saw KweHtoo Win ຈາກສະຫະພາບແຫ່ງຊາດກະຣ່ຽງ ກໍ່ຢືນຢັນຂໍ້ມູນດັ່ງກ່າວດ້ວຍ.
ທ່ານ ZawHtay ຮອງຫົວໜ້າຫ້ອງວ່າການປະທານາທິບໍດີມຽນມາ ຢືນຢັນວ່າ ຝ່າຍມຽນມາ ເປັນຜູ້ເຊີນເລຂາທິການໃຫຍ່ ສປຊ ເຂົ້າຮ່ວມການປະຊຸມດັ່ງກ່າວ ເນື່ອງຈາກວ່າ ທ່ານ ບັນ ກີມູນ ກໍ່ຢາກເຂົ້າຮ່ວມກອງປະຊຸມນີ້ເຊັ່ນກັນ ໃນຂະນະດຽວກັນ ທ່ານ Saw KweHtoo Win ຈາກສະຫະພາບແຫ່ງຊາດກະຣ່ຽງ ກໍ່ຢືນຢັນຂໍ້ມູນດັ່ງກ່າວດ້ວຍ.
Leave a Comment